"حْكَايَهْ مَا هِيَاشْ حْكَايَهْ، حْكَايَهْ كِـ الظْلاَمْ، خَارْجَهْ مِـ الڤْبَرْ، مِـ لَعْظَامْ، مِـ الكْفَنْ، تِرْعِبْ، مْلاَيْكَهْ سُودْ. الشِّجَرْ تِمْشِي والرِّيحْ يِجْرِي وْرَاءْ الرِّيحْ والشْمْسْ ذِهْبِتْ والبْحَرْ يْطِيرْ والنْجُومْ طَڤِّتْ وخَرْجِتْ مِنْهَا حْكَايَهْ، حْكَايَهْ مَا تِتْڤَالِشْ، مَا تِتْحْكَاشْ، حْكَايَهْ تِتْشَافْ، تِتْشَمْ، تِتْمَسْ، تْعِيشْ كِـ لَعْبَادْ، تُوكِلْ وتُشْرُبْ وتُرْڤِدْ وتَضْحِكْ وتِبْكِي وتْخَمِّمْ وتْحِسْ وتْعَاشِرْ وتْحِبْ وتُولِدْ وتْمُوتْ. حْكَايَهْ ڤَـتَّالْ. سَمْ."